தமிழ்நாட்டில் தீபாவளி அன்று மட்டும் 12 கொலைகள் அரேங்கேறிய சம்பவம் அதிருப்தியை ஏற்படுத்தி இருந்தது.
இதற்கு அரசியல் தலைவர்கள் பலரும் கண்டனம் தெரிவித்திருந்தனர்.
இதனைத்தொடர்ந்து, “பண்டிகைக் காலங்களில் இதெல்லாம் புதிதல்ல… எதிர்க்கட்சிகள் தான் வேண்டுமென்றே அவதூறு பரப்புகிறார்கள்” என்று அமைச்சர் ராஜ்மோகன் பேசியிருந்தார்.
ராஜ்மோகனின் இந்தப் பேச்சு சர்ச்சையைக் கிளப்பி இருந்தது. இந்நிலையில் இன்று செய்தியாளர்களைச் சந்தித்த ராஜ்மோகனிடம் இதுதொடர்பாக கேள்வி எழுப்பப்பட்டது.
அதற்குப் பதிலளித்த அவர், “நான் பேசியது தவறாகப் புரிந்துக்கொள்ளப்பட்டது. கடந்த காலங்களில் கொலைகள் நடந்தது என்பதற்காக நாங்களும் அப்படியே கண்டுகொள்ளாமல் விடமாட்டோம்.
கடந்த காலங்களில் நடந்த குற்றங்களைக் கலைவதற்காகவும் தான் நாங்கள் வேலை செய்துக்கொடிருக்கிறோம். முன்பை விட காவல்துறைக்கு முழு சுதந்திரம் கொடுத்திருக்கிறோம். கடந்த காலத்தைச் சொல்லி ஒப்பிட்டுப் பேச வரவில்லை. காவல்துறை என்பது அரசியலுக்கு அப்பாற்பட்டதாக இருக்க வேண்டும். அதற்கு தேவையான அனைத்து வசதிகளும் செய்து தரப்படும்” என்று பேசியிருக்கிறார்.
