டெல்லியில் பொதுமக்கள் போராடுவதற்கான இடமாக கருதப்பட்டு வந்த ஜந்தர் மந்தரில் போக்குவரது நெருக்கடி உட்பட பல்வேறு காரணங்களை கூறி அங்கு போராட்டம் நடத்த டெல்லி போலீஸார் தடை விதித்துள்ளனர். இதையடுத்து இன்று காலையில் ஜந்தர் மந்தரில் காக்ரோச் ஜனதா கட்சி தொண்டர்கள் அதன் தலைவர்கள் அசுதோஷ் ரங்கா மற்றும் சவுரவ் தாஸ் தலைமையில் அங்கு குவிந்தனர். அவர்கள் அங்கு போடப்பட்டு இருந்த கேட்டில் ஏறிக்குதித்தனர். காக்ரோச் ஜனதா கட்சி தலைவர் அபிஜீத் திப்கே ஜந்தர் மந்தரில் நடந்த திடீர் போராட்டத்தின் வீடியோவை வெளியிட்டார்.
அதில் அங்கு காக்ரோச் ஜனதா கட்சி தொண்டர்கள் அதன் தலைவர்கள் தலைவர் ரங்கா மற்றும் தாஸ் ஆகியோர் கைகளில் கொடிகளுடன் ஒரு இரும்பு கேட்டில் ஏறி குதித்து, அந்தப் பகுதிக்குள் நுழைந்து போராட்டம் நடத்துவதைக் காணலாம். அப்போது அங்கு நின்றிருந்த போலீசார் அவர்களை விரட்டியடித்ததால் அந்த கும்பல் முழக்கங்களை எழுப்பியது. போராட்டக்காரர்கள் பாரத் மாதா கி ஜெய் மற்றும் இன்குலாப் ஜிந்தபாத் கோஷங்களை எழுப்பிய போது அவர்களை தடுக்க முயன்ற போலீசாருடன் சிறிது சிறிதாக ஓடினார்கள்.
பின்னர் போராட்டத்தில் ஈடுபட்டவர்களை தடுத்து நிறுத்தி அழைத்துச் சென்றனர். வீடியோவை வெளியிட்டு, “நீங்கள் எதிர்ப்பை குறைத்து மதிப்பிட முடியாது. ஜந்தர் மந்தரை போராட்டத் தளமாக நீக்கியதில் இருந்து பிரதமரின் அச்சம் தெளிவாகிறது. ஜந்தர் மந்தரை இனி நியமிக்கப்பட்ட போராட்டத் தளத்தில் இருந்து நீக்கினால் போராட்டங்கள் நின்றுவிடும் என்று அவர் நினைக்கிறார். ஆனால் அது நடக்காது. ஜந்தர் மந்தர்கள் இப்போது நாடு முழுவதும் உருவாகும்,” என்று அவர் கூறினார். இது குறித்து காக்ரோச் ஜனதா கட்சியின் தலைமை செய்தித் தொடர்பாளர் சவுரவ் தாஸ் கூறுகையில், அமைதியான முறையில் ஆர்ப்பாட்டம் நடத்துவதற்கு அனுமதி கேட்டு போலீஸாருக்கு கடிதம் கொடுத்ததாகவும், அதனை போலீசார் ஏற்றுக்கொண்டனர். இருப்பினும், கட்டுப்பாடுகள் குறித்து எந்த தேதியும் வழங்கப்படவில்லை மற்றும் விளக்கமும் அளிக்கப்படவில்லை என்று அவர் குற்றம் சாட்டினார்.
