மீண்டும் உயர்ந்தது LPG சிலிண்டர் விலை!
மத்திய கிழக்கு நாடுகளில் நிலவி வரும் போர் காரணமாக சர்வதேச அளவில் எரிசக்தி விநியோகம் பாதிக்கப்பட்டு, அதன் விலையும் தொடர்ந்து உயர்ந்து வருகிறது. இதன் தொடர்ச்சியாக, ஏற்கெனவே கடந்த மார்ச் 7-ம் தேதி வீட்டு உபயோக கேஸ் சிலிண்டர் விலையில் 60 ரூபாய் உயர்த்தப்பட்டிருந்தது. தற்போது மீண்டும் சிலிண்டர் விலை உயர்த்தப்பட்டிருக்கிறது. சிலிண்டர் ஒன்றுக்கு 29 ரூபாய் இப்போது உயர்த்தப்பட்டுள்ளது. இந்த விலை உயர்வு ஜூன் 7 முதல் உடனடியாக அமலுக்கு வருகிறது. இதன் காரணமாக, சென்னையில் 14.2 கிலோ எடை கொண்ட வீட்டு உபயோக சிலிண்டர் விலை 928.50 ரூபாயிலிருந்து 957.50 ரூபாயாக உயர்கிறது.
