இங்கிலாந்து அணியின் வேகப் பந்துவீச்சாளரான மார்க் வுட் சர்வதேச கிரிக்கெட்டில் இருந்து ஓய்வு பெறுவதாக அறிவித்திருக்கிறார்.
இங்கிலாந்து அணிக்காக மொத்தமாக 11 ஆண்டுகள் மார்க் வுட் விளையாடியிருக்கிறார்.
2015-ல் அறிமுகமாகி 38 டெஸ்ட் போட்டிகளில் 119 விக்கெட்டுகளையும், 70 ஒருநாள் போட்டிகளில் 80 விக்கெட்டுகளையும், 38 டி20 போட்டிகளில் 54 விக்கெட்டுகளையும் வீழ்த்தியிருக்கிறார்.
தவிர இரண்டு உலகக் கோப்பைகளை இங்கிலாந்து அணிக்காக வென்று கொடுத்திருக்கிறார்.
நான்கு ஆஷஸ் தொடர்களில் வெல்லவும் உதவியிருக்கிறார். மார்க் வுட் கடந்த 2015-ல் இங்கிலாந்து அணிக்காக அறிமுகமானார். வலது கை வேகப் பந்துவீச்சாளரான இவர் 150+ கி.மீ./மணி வேகத்தில் பந்துவீசும் ஆற்றல் கொண்டவர்.
தொடர் காயங்கள் காரணமாக, மருத்துவ ஆலோசனையின் பேரில் டெஸ்ட் மற்றும் 50 ஓவர் கிரிக்கெட்டில் தொடர முடியாது என்பதால், இங்கிலாந்து அணிக்காக விளையாடிய பெருமையுடன் இந்த ஓய்வு முடிவை எடுத்துள்ளதாக மார்க் வுட் தெரிவித்திருக்கிறார்.
