இன்று நடந்த இந்திய ரிசர்வ் வங்கி கூட்டத்தில் ரெப்போ வட்டி விகித உயர்வு அறிவிப்பை வெளியிட்டுள்ளார் இந்திய ரிசர்வ் வங்கியின் ஆளுநர் சஞ்சய் மல்ஹோத்ரா.
சஞ்சய் மல்ஹோத்ராவின் அறிவிப்பின்படி, ரெப்போ வட்டி விகிதம் 25 பேசிஸ் புள்ளிகள் ஏற்றப்படுகிறது. இதனால், வட்டி விகிதம் 5.25 சதவிகிதத்தில் இருந்து 5.50 சதவிகிதமாக ஏறுகிறது.
2023-ம் ஆண்டு பிப்ரவரி மாதத்திற்குப் பிறகு, இந்திய ரிசர்வ் வங்கி ரெப்போ வட்டி விகிதத்தை உயர்த்துவது இதுவே முதல்முறை.
2023 டு இப்போது வரை…
2023-ம் ஆண்டு பிப்ரவரி மாதம், இந்திய ரிசர்வ் வங்கி ரெப்போ வட்டி விகிதத்தை 6.50 சதவிகிதமாக உயர்த்தியது.
இதே வட்டி விகிதம் தான் 2023-24 நிதியாண்டில் தொடர்ந்தது.
அதன் பிறகு, இதுவரை ரெப்போ வட்டி விகிதத்தைக் கொஞ்சம் கொஞ்சமாகக் குறைத்து வந்தது இந்திய ரிசர்வ் வங்கி.
ரெப்போ வட்டி விகித உயர்வுக்குக் காரணம் என்ன?
“செப்டம்பர் மாதத்தில் மேற்கு ஆசிய மோதல் திடீரென மீண்டும் தீவிரமடைந்ததும், அதன் காரணமாக உலகளாவிய கச்சா எண்ணெய் விலையில் ஏற்பட்ட ஏற்ற இறக்கங்களும் கடுமையும்,
உலகப் பொருளாதார உணர்வுகளைப் பெரிதும் பாதித்து, நிதிச் சந்தைகளில் கடுமையான பதற்றத்தையும் நிலையற்ற தன்மையையும் அதிகரித்துள்ளன” என்று சஞ்சய் மல்ஹோத்ராவின் தொடக்கப் பேச்சே காரணத்தைக் கூறிவிடுகிறது.
