இதில் பணியாற்றுபவர்களுக்கு மாதம் ஊதியமும் வழங்கப்பட்டு வருகிறது. இந்நிலையில் தேனி சிறையில் இருந்து 17 கைதிகள் தப்பி ஓடிய நிலையில் பாதுகாப்பு நடவடிக்காக மதுரை மத்திய சிறை துறை சார்பில் செயல்பட்டு வந்த பெட்ரோல் நிலையம், உணவகம் மற்றும் கோழி இறைச்சி கடைகள் தற்காலிகமாக மூடி வைக்கப்பட்டுள்ளது.
தமிழ்நாடு முழுவதும் உள்ள சிறைகளில் நன்னடத்தை சிறைவாசிகளைக் கொண்டு செயல்பட்டு வரும் கடைகளை மறு உத்தரவு வரும் வரை மூடி வைக்க தமிழ்நாடு சிறைத்துறை டிஜிபி உத்தரவிட்டதன் அடிப்படையில் நடவடிக்கை மேற்கொண்டதாக மதுரை மத்திய சிறைத் துறை அதிகாரிகள் தகவல் தெரிவித்துள்ளனர்.
சிறைவாசிகள் நடத்தி வந்த உணவகங்களில் உள்ள உணவு பொருள்கள் விலை குறைவானதாகவும், தரம் நிறைந்ததாகவும் வழங்கபட்டு வந்த நிலையில் அவை மூடப்பட்டிருப்பதால் வாடிக்கையாளர்களிடையே சோகத்தை ஏற்படுத்தியுள்ளது. குறிப்பாக தீபாவளி பண்டிகையின் போது மூடப்பட்டிருப்பது பலருக்கும் அதிர்ச்சியையும் ஏற்படுத்தியுள்ளது. !
