Doctor Vikatan: என் வயது 56. நான் கடந்த 20 வருடங்களாக சிகரெட் பிடிக்கும் பழக்கத்திலிருந்து மீள முடியாமல் இருந்தேன். பலமுறை அதை விட நினைத்துத் தோற்றுப் போயிருக்கிறேன்.
பெரிய போராட்டத்துக்குப் பிறகு இப்போது கடந்த ஒரு வருடமாக சிகரெட் பிடிப்பதில்லை. ஆனாலும் இத்தனை வருடங்கள் அந்தப் பழக்கத்தில் இருந்ததால் என் ஆரோக்கியம் பாதிக்கப்பட்டிருக்குமோ, நுரையீரல் செயல்பாடு குறைந்திருக்குமோ எனப் பயமாக இருக்கிறது.
பொதுவாக, புகைப்பழக்கத்தை நிறுத்திய பிறகு நுரையீரல் எப்போது தன் பழைய நிலைக்குத் திரும்பும்?
பதில் சொல்கிறார், சென்னையைச் சேர்ந்த பொது மருத்துவர் அருணாசலம்
பெரிய போராட்டத்துக்குப் பிறகு ஒரு போதையிலிருந்து மீண்டிருக்கிறீர்கள். அந்த மன உறுதியை அப்படியே பின்பற்ற வாழ்த்துகள். புகைப்பிடிப்பதை நிறுத்திய அடுத்த நிமிடத்திலிருந்தே உடலுக்கு நன்மை நடக்கத் தொடங்கிவிடும்.
