லத்தீன் அமெரிக்க அரசியல் களம்: `ட்ரம்ப் கொள்கையை வீழ்த்திய லூலா’ – இந்த வெற்றி சொல்வது என்ன?| அலசல்|The Latin American Political Landscape: ‘Lula Defeats Trump-style Policy’ – What Does This Victory Signify?

அமெரிக்காவோ அல்லது ட்ரம்ப்பின் ஆதரவு பெற்ற வலதுசாரி அமைப்புகளோ ஒட்டுமொத்த லத்தீன் அமெரிக்காவையும் தங்கள் கட்டுப்பாட்டுக்குள் கொண்டு வர நினைத்தால், அதற்கு இந்த இரு நாடுகளும் ஒரு பெரிய தடையாக இருக்கும் என்பதும் அவர்களின் கருத்து.

ஒருவேளை இத்தேர்தலில் லூலா தோற்று, ட்ரம்ப்பின் ஆதரவாளரான போல்சனாரோவின் கட்சி வெற்றி பெற்றிருந்தால், லத்தீன் அமெரிக்காவின் பெரும்பகுதி அமெரிக்காவின் வலதுசாரி கொள்கைகளுக்குள் சென்றிருக்கும் வாய்ப்பிருப்பதாகக் கூறப்படுகிறது.

அதேநேரத்தில், லூலா வெற்றி பெற்றுவிட்டாலும் பிரேசிலுக்குள் நிலைமை இன்னும் முழுமையாக அவருக்குச் சாதகமாக மாறவில்லை. ஏனெனில், இத்தேர்தலில் லூலா கட்சி வேட்பாளர்களுக்கும் அவரை எதிர்த்துப் போட்டியிட்ட போல்சனாரோ கட்சியில் போட்டியிட்ட வேட்பாளர்களுக்கும் இடையே வாக்கு வித்தியாசம் மிகமிகக் குறைவாகவே இருந்தது.

இதன் மூலம், வெளிப்பார்வைக்கு இடதுசாரி ஆட்சி அமைந்திருந்தாலும், பிரேசில் நாட்டு மக்களுக்குள் இன்னும் போல்சனாரோ போன்ற வலதுசாரி தலைவர்களுக்கான ஆதரவும், இடதுசாரி கட்சிகள் மீதான அதிருப்தியும் மிக ஆழமாக வேரூன்றியிருப்பது தெளிவாகத் தெரிகிறது.