மனநலப் பிரச்னைகள் குறித்து விழிப்புணர்வு ஏற்படுத்துவதற்காக, ‘Beyond the Horizon: A Ride for Resilience’ என்ற பெயரில் 58 நாள் விழிப்புணர்வுப் பயணத்தை மதுரையைச் சேர்ந்த செஹர் ஹஷ்மி என்பவர் மேற்கொண்டு வருகிறார். ஆகஸ்ட் 20-ம் தேதி தொடங்கியுள்ள இந்தப் பயணம், இந்தியாவின் 50-க்கும் மேற்பட்ட நகரங்களைக் கடந்து அக்டோபர் 15-ம் தேதி நிறைவடையத் திட்டமிடப்பட்டுள்ளது.
இந்தப் பயணத்தின் முக்கிய நோக்கம், மனநலம் குறித்து பொதுமக்கள் குறிப்பாக இளைஞர்கள் மத்தியில் வெளிப்படையான உரையாடலை உருவாக்குவதும், தேவைப்படும் நேரத்தில் தகுந்த தொழில்முறை உதவியை நாடுவதற்கான விழிப்புணர்வை ஏற்படுத்துவதுமாகும்.
பள்ளிகள், கல்லூரிகள் மற்றும் இளைஞர்கள் மத்தியில் 100-க்கும் மேற்பட்ட விழிப்புணர்வு நிகழ்ச்சிகளை நடத்தவும் திட்டமிடப்பட்டுள்ளது. இதன்மூலம் சுமார் 12,000 முதல் 13,000 இளைஞர்களை சென்றடைய இலக்கு நிர்ணயிக்கப்பட்டுள்ளது.
