234 சட்டமன்றத் தொகுதிகளில் விஜய்யின் தவெக 107 தொகுதிகளில் முன்னிலை வகிக்கிறது.
இந்நிலையில் தவெக தலைவர் விஜய்க்கு நடிகர் விஷால் வாழ்த்துகளைத் தெரிவித்திருக்கிறார்.
இதுதொடர்பாக அவர் வெளியிட்டிருக்கும் பதிவில், “விஜய்யின் முதல் தேர்தல் களம் இவ்வளவு பிரமாண்டமான தொடக்கமாக அமைந்தது வியப்பாக இருக்கிறது.
வாழ்த்துகள் தளபதி! இந்தத் தருணத்திற்குச் சொந்தக்காரரான அவருக்கு எனது மனமார்ந்த பாராட்டுகள்.
தமிழகம் முழுவதும் மீண்டும் மக்கள் திலகம் எம்.ஜி.ஆர் காலத்து எழுச்சி மீண்டும் ஒருமுறை எதிரொலிக்கிறது. மக்கள் ஒரு மாற்றத்தை விரும்பினால் அதை யாராலும் தடுத்து நிறுத்த முடியாது.
தற்போதைய அரசியல் சூழலில் இது ஒரு மிகப்பெரிய மாற்றத்திற்கான வெளிப்பாடாகும்.
எனது மனதின் ஆழத்திலிருந்து உங்களுக்கு வாழ்த்துகளைத் தெரிவித்துக் கொள்கிறேன்.
நமது மாநிலத்தின் வளர்ச்சியையும், தற்போதைய இக்கட்டான சூழலில் இருக்கும் நமது திரையுலகின் மறுமலர்ச்சியையும் ஆவலுடன் எதிர்பார்க்கிறேன்” என்று பதிவிட்டிருக்கிறார்.
